Tirana nuk arriti më shumë se një barazim 2-2 në “Niko Dovana përballë Teutës në javën e 2-të të Superiores. Pas kësaj sfide foli dhe trajneri i bardhebluve, Orges Shehi.
“Kemi bërë një ndeshje të mirë edhe pse na vjen keq që kemi pësuar dy gola. Edhe në miqësore kemi pësuar dhe kjo është ajo çfarë ne duhet të punojmë për të rregulluar. Na ndodhi dhe me Dinamon kjo gjë. Mendoj që kemi bërë mirë me shanset e krijuara”, tha tekniku Shehi.
Kurt i kërkon që të jesh në manovrën që kërkon ti, është e vështirë pasi ka pika pasimi por nuk pa presion. Skuadra në disa raste shkëputet. Kur kemi ne topin në zotërim rrezik është rinisja e kundërshtarit. Kjo është një panoramë që pas ndeshjes nuk je shumë i qartë.
LARGIMI I HASANIT?
Hasani është një nga lojtarët tonë më të rëndësishëm. Nuk e di si do të rrjedhin gjërat, ndoshta merkato është mbyllur dhe Hasani do të jetë pjesë e jona.
SA TË SHQETËSOJNË 4 GOLAT E MARRË NGA TIRANA? SI DJALË DURRËSI SI NUK TË ECËN NË “NIKO DOVANA”?
Po të kapësh statistikat që kur kam qenë me Tiranën nuk kemi statistika minus. Por është fillimi. Unë e kam thënë që nuk e njohim kundërshtarin dhe në pjesën e dytë ne i morëm masat. Kam dëshirë ti fitoj ndeshjet 2-0 dhe jo nga 4-3. I kam thënë ekipit që portierin tonë kundërshtarët duhet ta shohin me dylbi.
JE I SHQETËSUAR PËR FAKTIN QË KUNDËRSHTARI KRIJOJ RASTE TË RREZIKSHME?
Unë e thashë që është një shqetësim. Kur ndërtojmë duhet të fusim në kokë tranzicionin. Ky është një nga problemet ku ne duhet të ndalojmë pasi pikënisja e kundërshtarit vjen nga kjo situatë. Na mbetet për të punuar që mos të na hapen repartet.
Lexo gjithashtu
