
Ardit Nikaj është padyshim një nga lojtarët më premtues të futbollit shqiptar. Pasi është kthyer në një nga pikat kyçe të Skënderbeut, ai ka fituar gjithashtu edhe besimin e Alban Bushit.
Ky i fundit e ka ftuar në 4 ndeshjet e fundit që Shqipëria u-21 ka luajtur në kuadër të kualifikueseve të Euro 2025. Nikaj gjithashtu në dy ndeshjet e tetorit ka marrë dhe minuta. Në ndeshjen ndaj Finlandës në transfertë luajti 34 minuta, teksa përballë Malit të Zi në ndeshjen e zhvilluar në “Arena Egnatia”, sulmuesi 21-vjeçar luajti si titullar dhe qëndroi në fushë deri në minutën e 83-të.
Nesër Skënderbeu do të përballet me Vllazninë, ndeshje e vlefshme për javën e 9-të të Superiores. Teksa Nikaj duket shumë në formë dhe i gatshëm për t’u përballur me ish-ekipin e tij.
Kujtojmë që Ardit Nikaj ka qenë pjesë e ekipeve zinxhir të kuqebluve deri në vitin 2021, vit ku la shkodranët për tu transferuar në Korçë.