Elbasani u rikthye te fitorja ditën e sotme teksa mposhti Tomorin në transfertë me rezultatin 1-3. Heronjtë për verdheblutë ishin Telushi, Lleshi dhe Leo Melo të cilët ishin 3 autorët e golave. Pas polemikave të mëdha për golin e anulluar të Flamurtarit, fitorja ishte një kusht i ‘panegociueshëm’ për ‘Tigrat’ dhe ia arritën.
Trajneri Nevil Dede me një postim në rrjete sociale lëshon një thumb për kritikët e Elbasanit të tij. “Qentë le të lehin, karvani ecën përpara”, shkruan elbasanasi duke përdorur një shprehje të famshme të zhargonit popullor.
Elbasani vijon të jetë në dyshen e kreut me 26 pikë në vendin e dytë, 2 pas Bylisit të cilët kanë një ndeshje mangut. Rikthimi në Superiore duket i afërt teksa shkëputja ka nisur pasi janë 7 pikë larg ndjekësit më të afërt, Vorën.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
