Erzeni dhe Laçi kanë barazuar me njëra-tjetrën në ndeshjen e vlefshme për javën e 28-të të “Abissnet Superiore”. Ndeshja e zhvilluar në Rrogozhinë përfundoi me rezultatin 0-0. Pas kësaj sfide, për mikrofonat e MCN TV ka folur qendërmbrojtësi i Erzenit, Nehar Sadiki.
“Është mirë të luash kështu ndeshjesh të rëndësishme për ditëlindje, por në plan të parë është ekipi. Na duhej fitorja, por s’kemi çfarë të bëjme, vazhdojmë përpara. Na ka kapur një lloji ngërçi në fazën sulmuese. Po krijojm raste, por nuk jemi të saktë. Ka shpërqendrim në metrat e fundit. Ne kemi ardhur të luajmë ndeshjen kundër Laçit “all-in”, vetëm fitoren kishim në mendje. Jemi në një krizë që mund të kapë çdo ekip, por ne nuk dorëzohemi vazhdojmë deri në fund. Sot paguaj unë sepse kam ditëlindjen. Në disa ndeshje kemi pësuar shumë gola, mungesë përqendrimi. Por shyqyr ndeshjen e fundit nuk pësuam gol. Nuk do të dorëzohemi deri në minutën e fundit për të arritur objektivin tonë”, u shpreh Sadiki.
Lexo gjithashtu
