"Loro Boriçi" ka hapur dyert pas rikonstruksionit që i është nënshtruar së fundmi. Pas ndeshjes së Kombëtares kundër Maqedonisë, ishte Vllaznia që provoi të luante në këtë impiant modern.
Por, fundi i sfidës mes Vllaznisë dhe Kukësit mesjavën e kaluar ka dhënë leksionet e duhura te drejtuesit e klubit kuqeblu për sa i përket orarit të zhvillimit të ndeshjeve në këtë stadium.
Në minutën e 90-të të sfidës, prozhektorët e "Loro Boriçit" u fikën dhe stadiumi u përfshi nga errësira. Pas dy minutash, energjia u rikthye dhe sfida Vllaznia-Kukësi mundi të përfundonte me sukses. Ky episod ka trembur drejtuesit e klubit shkodran, që tashmë kanë ndryshuar orarin e takimit kundër Flamurtarit.
Ishte parashikuar që Vllaznia-Flamurtari të luhej në 17:00, por kjo përballje do të zhvillohet në 13:00.
Në Shkodër nuk duan të rrezikojnë që të mbeten sërish pa drita edhe kundër vlonjatëve.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
