Dinamo vazhdon me afrimet e lojtarëve që do të bëjnë diferencën në pjesën e mbetur të sezonit në Kategorinë e Parë. Pas afrimit të Realf Zhivanaj, me zyrtarizimin që mungon ende, te blutë kanë pikasur edhe dy lojtarët e tjerë që kërkojnë t’i veshin me fanellën blu.
Nga porta në sulm. Drejtuesit synojnë portierin e Ballkanit. Bëhet fjalë pikërisht për Stivi Frashërin, i cili në të kaluarën ka luajtur me disa skuadra të kampionatit shqiptarë, ndërsa me ekipin e Ilir Dajës arriti të fitonte titullin kampion dhe të luante në grupet e Conference League. Largimii Simon Simnit ka detyruar te Dinamo të kërkojnë një zëvendësues dhe ish-gardiani i Kukësit mund të sillte dhe eksperiencën te porta e kryeqytetasve.
Përveç Frashërit “nëndetësja” ka arritur akordin me një sulmues. Amarildo Gjoni mund të quhet pa frikë si afrimi i radhës për Dinamon, me sulmuesin që ka dalë nga akademia e Laçit, ndërsa karrierën e tij e ka vazhduar në Itali ku ka luajtur për ekipe që militojnë në Serinë D.
23-vjeçari pritet të bëjë diferencën në Kategorinë e Parë dhe të ndihmojë Dinamon të ngjithet në elitën e futbollit shqiptarë sezonin e ardhshëm.
Lexo gjithashtu
