Vllaznia do të udhëtojë në Korçë për të sfiduar Skënderbuen në sfidën javës së 9-të të Superiores. Një duel që do të luhet ditën e nesërme duke nisur që nga ora 17:00.
Për të analizuar këtë sfidë në konferencën për shtyp ishte i pranishëm Ndriçim Shtubina, i cili ka theksuar se në këtë përballje përveç 6 mungesave që tashmë dihen do të mungojë edhe Esin Hakaj. Ndër të tjerë ai ka deklaruar se kuqeblutë do të hyjnë në fushë vetmë për fitoren dhe se djemtë që do të luajnë kanë të gjithë potencialin për ta bërë diçka të tillë.
“Besoj se është e vështirë si çdo ndeshje tjetër, por skuadra nuk duhet të futet në fushë me presionin e pikëve. Skuadra është stërvitur mirë gjatë këtyre ditëve, pavarësisht mungesave që vazhdojnë të jenë prezent, por prapë se prapë Vllaznia ka forca për të mundur çdo kundërshtar dhe prandaj duhet të japim maksimumin në fushë.
Sa i takon gjendjes së lojtarëve të dëmtuar, ata vazhdojnë të jenë prezent dhe prandaj edhe këtë radhë do të kemi shumë mungesa. Gjithsesi duhet të përqëndrohemi sepse Vllaznia ka edhe alternativa që do të japin maksimumin pët të marrë tre pikët. Lojtarët duhet të jenë të vetëdijshëm se kanë potencial për të dhënë më shumë. Ato pikë që kemi në tabelë nuk shpjegojnë gjendjen reale të ekipit tonë dhe të cilësive që ajo ka në vetvete.
Për fat të keq, Esin Hakaj ka ndjerë sërish shqetësime dhe nuk do të jetë i gatshëm për takimin e radhës. Në fakt mungesa e tij ndihet edhe më shumë ngaqë dy mbrojtësit e tjerë të majtë që ka skuadra në dispozicion, pikërisht Xhelil Asani dhe Flori Spahija vazhdojnë të jenë edhe ata të dëmtuar dhe në këto rrethana për stafin do ketë jo pak “dhimbje koke. Skënderbeu është një skuadër me djem të rinj të cilët duan të tregojnë se vlejnë për kampionatin shqiptar, por ne i kemi cilësitë më të mëdha prandaj duhet të futemi në fushë me besimin për ta fituar këtë ndeshje”, ka theksuar zëvendëstrajneri i shkodranëve.
Lexo gjithashtu
