Dinamo humbi me Apolloninë në fundjavë me rezultatin 2-3. Kjo disfatë ishte edhe më zhgënjyese pasi erdhi në shtëpinë e bluve në “Selman Stermasi”. Ata humbën shansin për tu ngjitur më lart në klasifikim dhe kështu mbeten në vendin e tretë.
Javën tjetër ata do të udhëtojnë në Vlorë për t’u ndeshur me Flamurtarin e vendit të dytë. Blutë e kanë komplikuar shumë sezonin e tyre këto javë sidomos mne ndeshjet në shtëpi. Ndeshja e fundit që Dinamo ka fituar në “Selman Stermasi” ka qenë ajo e fazës së parë kundër Luzit 2008.
Sfidat e fundit në kryeqytet ata kanë barazuar me Skënderbeun 1-1, humbën me Tomorin 0-1 dhe së fundmi humbja e së dielës me Apolloninë 2-3. Në katër ndeshje në shtëpi duke llogaritur edhe humbjen me turpëruese me Flamurtarin 1-5 blutë kanë humbur 11 pikë.
Lexo gjithashtu
