Superliga në skaner! Newsport.al, duke i hedhur një vështrim faqes së njohur "transfermarkt.com" raporton se kampionati elitar i futbollit shqiptar ka në total 248 futbollistë, 53 prej të cilëve janë të huaj.
Ekipet që kanë më shumë të huaj në përbërje të tyre janë Skënderbeu dhe Flamurtari, përkatësisht nga 8 futbollistë jo shqiptarë.
Skuadra që ka numrin më të vogël të futbollistëve të huaj në përbërje është Teuta, vetëm 3 lojtarë.
Vlera totale e lojtarëve të Superligës shkon në 35 milionë euro, ndërsa skuadra më e kushtueshme për sa i përket vlerës së futbollistëve në tregun e transferimeve është Skënderbeu, 6.4 milionë euro.
Mosha mesatare e lojtarëve të 10 skuadrave të Superligës është 25.2 vjeç. Ekipi me moshën mesatare më të vogël është Laçi me 23.8 vjeç, ndërsa ekipi më "i plakur" është Korabi me 27.2 vjeç.
Skuadra që ka më shumë lojtarë në përbërje është Vllaznia, 29 futbollistë, ndërsa Laçi ka vetëm 19 lojtarë.
Lexo gjithashtu
