Ish-trajneri i Luftëtarit dhe Kukësit, Mladen Milinkoviç ka arritur të fitojë çështjen ndaj Luftëtarit për pretendimet e dy rrogave të pa marra dhe bonuseve për renditjen në vendin e katërt të klubit gjirokastrit në kohën që skuadra drejtohej nga tekniku serb.
Shuma që i detyrohet Luftëtari ish-trajnerit të skuadrës kap vlerën 12 mijë euro. Të njëjtën rrugë ka ndjekur Milinkoviç edhe pas largimit nga Kukësi. Ish-trajneri i verilindorëve ka paditur në FIFA Kukësin për dy rroga të pa marra, që shkojnë në total 10 mijë euro.
Lidhur me këtë ngjarje kanë reaguar presidenti i klubit gjirokastrit, Grigor Tavo. "Numri 1" i klubit gjirokastrit ka pranuar faktin që Luftëtari ka humbur gjyqin në FIFA ndaj Milinkoviç por shpjegon se klubi do ta ndjekë deri në fund këtë çështje dhe sipas tij, nuk ka përfunduar gjithça.
Klubi i Kukësit, i gjendur në të njëjtën situatë që ishte dhe Luftëtari pak kohë më parë, ka konfirmuar se është zyra juridike e klubit do të ndjekë këtë çështje duke konfirmuar faktin, se Milinkoviç ka braktisur ekipin.
Lexo gjithashtu
