Tirana-Erzeni do të luhet të hënën që vjen në orën 18:00. Sfida do të luhet në “Elbasan Arena” dhe jo në kryeqytet. Por ka qenë e paqartë nëse në stadium do të kishte tifozë apo jo. Burime pranë klubit bëjnë me dije për Newsport.al se në stadium nuk do të ketë tifozë.
Edhe këtë ndeshje Tirana do ta luajë me dyer të mbyllura me futbolldashësit. Klubi bardheblu vuan një dënim nga Komisioni i Disiplinës që e ka lënë pa tifozë në stadium që pas ndeshjes së derbit me Partizanin. Bardheblutë janë dënuar me 4 ndeshje dhe deri tani kanë shlyer 2 prej tyre.
Klubi ka të drejtë që pjesën tjetër të dënimit ta shlyejë me para. Megjithatë drejtuesit nuk kanë vendosur ta bëjnë këtë gjë. Ndaj Erzenit është një sfidë e rëndësishme për Tiranën pasi lufta për titull po bëhet më e nxehtë.
Lexo gjithashtu
