“Air Albania”, “Loro Boriçi” dhe “Elbasan Arena” janë 3 nga stadiumet me kapacitetin më të lartë. Por të 3 këto stadium kanë mbyllur dyer për ekipet e Superiores. Fillimisht për shkak të ndeshjeve të kombëtareve ishte “Air Albania” që u bëri dalje ekipeve kryeqytetase, ndërsa në “Loro Boriçi” dhe “Elbasan Arena “ do të mbjellet bari.
Sfida e sotme që do të luhet në “Elbasan Arena” mes Dinamos dhe Vllaznisë do të jetë e fundit dhe për 1 muaj ky stadium do të kyçë dyert. Në këto kushte Dinamo dhe Elbasani do të nisin të mendojnë për një “shtëpi” të dytë për sfidat e ardhshme si pritës.
Kjo është diçka alarmante, pasi të mendosh se janë një sërë stadiumesh të ndërtuara dhe pikërisht 3 prej tyre mbyllin dyert në të njëjtën kohë. Mbetet të presim për të mësuar se në cilin stadium do të luajnë Dinamo, Vllaznia apo Elbasani për sfidat si pritës.
Lexo gjithashtu
