Kur kanë kaluar vetëm pak orë nga ndeshja Izrael - Shqipëri, Mërgim Mavraj nuk i ka mbajtur dot nervat e akumuluara nga ajo që ndodhi para, gjatë dhe pas ndeshjes. Ai e cilëson të gjithë situatën si anti-shqiptare, ndërsa thotë se të tjerët abuzojnë me mikpritjen tonë.
"Të tjerët ta gjejnë të keqen diku tjetër", shkruan në shkrimin e tij të postuar në "Facebook" mbrojtësi Mavraj, i cili shkruan disa fakte kundër asaj që ndodhi si dhe shpërqendrimin që mori për këtë takim pikërisht dy ditë më parë. Ai iu del në krah edhe tifozëve në postimin e tij për atë që ndodhi.
Postimi i Mërgim Mavraj:
"Sa e sa marrëzi, sa e sa poshtërsi janë bërë në dëm të së gjorës Shqipëri! Por a duhet thënë STOP? A duhet të abuzojnë të tjerët me mikpritjen tonë?
Një vend nuk e bën të madh numri i banorëve, por karakteri, zemra, dëshira e krenaria e atij popullit!
Ne kemi tradita, e këtë e tregon qartë historia e kombit tonë! Ne nuk duhet ti hedhim asnjëherë poshtë njerëzit tanë, tifozët tanë, gjakun tonë vetëm se "siguria" e tjetrit është në "rrezik"!
A kishte rrezik më të madhe ndaj nesh në Serbi?! A kishte poshtërim më të madh se përçarja e frika që futën tek tifozët tanë dy ditë më parë kundërshtarët?! Nuk besoj se ka ndonjë qe mendon se shkaktar i atij "boshlliku" që u krijua në stadium ishte shiu, por paniku i hapur kot së koti.
Futbolli duhet të japë mesazh paqeje, e jo të krijojë panik, stres e përçarje. Unë nuk e ndjej veten aspak mirë kur krijohen situata të tilla! Tifozët tanë e duan këtë vend, e duan këtë kombëtare e ndaj duhet ta shijojnë siç duhet, të paktën në shtëpinë e tyre! Tjerët, le ta "gjejnë" të keqen diku tjetër, jo tek Shqiptarët!".
[caption id="attachment_54357" align="aligncenter" width="756"]
Reagimi i Mavrajt për situatën[/caption]
Lexo gjithashtu
