Esat Mala ishte një nga lojtarët që u afrua te Partizani në këtë merkato dimri. 19-vjeçari u mor nga Superliga e Kosovës dhe në vendin tonë shumë pak e njihnin. Ai luan si mesfushor dhe në formacionin e të kuqve ka arritur të zërë një vend titullari. Luan si organizator dhe në stërvitje është fjalë-pak e punë shumë.
Cilësitë që zotëron dhe mosha e re e bëjnë atë një futbollist të së ardhmes. Nëse vijon të luajë me ritme të tilla, nuk do të jetë çudi ta shohim të luajë në Europë. Luftarak, i saktë në pasime dhe me dëshirën për të fituar, janë tre cilësitë që e karakterizojnë mesfushorin shtatshkurtër.
Në pak javë në fushë dhe ai ka fituar simpatinë e tifozëve të kuq. Pritet me interes të shihet se si do të vazhdojë në të ardhmen, që së bashku me Bathën dhe Trashin kanë blinduar mesfushën e Partizanit. /Newsport.al/
Lexo gjithashtu
