Trajneri i Gjermanisë Joakim Lëv duke folur për sfidën e cerekfinaleve me skuadrën italiane është shprehur i qetë dhe i gatshëm për sfidën. Ai është shprehur se italianët nuk janë makth për kombëtaren e tij. Në gjysëmfinalet e Europianit të 2012 të zhvilluar në Poloni, skuadra italiane ka thyer çdo parashikim duke i mposhtur gjermanët nme rezultatin 2-1 dhe duke siguruar një vend në finale.
Mirëpo për trajnerin e Gjermanisë ajo ndeshje ka nxjerrë për gjermanët shumë mësime dhe ata nuk do të përsërisin gabimet e së shkuarës. Përballjet me Italinë kanë qenë gjithmonë të luftuara pasi ndeshen dy prej skuadrave më të mira europiane.
‘’Ndeshja e 2012 ka nxjerrë shumë mësime për ne. Ajo u vendos më së shumti nga gabimet. Dhe gabimi më i madh u bë nga unë, pasi mendoja të nxirrja Pirlon jashtë loje. Antonio Conte e ka kuptuar më në fund që nuk mund të fitojë trofe vetëm duke u mbrojtur, prandaj jam i impresionuar nga ndeshja që zhvilluan me Spanjën. Por ndeshja që do të zhvillojmë së bashku do të jetë e një tjetër niveli, pasi ne nuk mund të përsërsim gabimet e së shkuarës’’, ka thënë Lëv.
Lexo gjithashtu
