"Dominuam lojën, kundërshtari nuk na vuri asnjëherë në presion, patëm qarkullim topi, vertikalizime, ç'ka do të thotë se bëmë një lojë të mirë, jo vetëm pjesën e parë, por edhe atë të dytë.
Nuk ishte e thjeshtë, pasi kundërshtari kishte kualitet dhe si tillë vlerësohet.
Ndeshja e sotme ishte e rëndësishme pasi na jep luksin të ngjitemi në renditje, ndeshja e ardhshme, diçka normale, por jemi më të qetë, pasi pikët na kanë qetësuar.
Kemi marrë pikë me ekipe të mëdha, por kemi lënë pikë me skuadra të vogla, nuk jemi këtu ku jemi vetëm nga fati, futbolli është futboll, ka veçantitë e tij. Janë dhe dy faza e gjysmë, nëse luajmë mirë, gjithçka mund të ndodhi, pasi ne do bëjmë maksimumin.
Kemi marrë ndeshjet me radhë dhe jemi munduar të marrim maksimumin nga çdo ne ndeshje, jemi në rrugën e duhur.
Pretendoj një Vllaznia tjetër, jo si ajo që ka qenë sezonin e kaluar. Jemi në një pozicion komod dhe duhet të themi që është e vështirë për të mbajtur këtë pozicion.
Kupat e Europës, e vështirë pasi ka probleme. Kryesor është buxheti, pasi dihet mirë se çfarë buxheti duhet", deklaroi trajneri i Vllaznisë Armando Cungu për Supersport.
Lexo gjithashtu
