Ditën e sotme do të luhen dy takime që janë të vlefshme për javën e dytë të “Abissnet Superiore”. Dy përballje që do të zhvillohen në dy orare të ndryshme, ndërsa do të luhet në aksin Rrogozhinë – Korçë.
Gjithçka do të startojë me duelin mes Erzenit dhe Vllaznisë. Dy ekipet do të vihen përballë njëra-tjetrës në “Arena Egnatia” duke nisur që nga ora 16:00. Shijakasit pas barazimit me Laçin do të tentojnë 3 pikët e para për këtë sezon, ndërsa shkodranët e Migen Memellit nuk duan të ndalin hapin.
Sfida e dytë do të luhet në Korçë, ku Skënderbeu pret Dinamon. Një duel mjaft interesant mes dy ekipeve që këtë sezon u ngjitën në Superiore. Korçarët janë më të motivuar se kurrë për të koleksionuar një tjetër fitore pas asaj me Egnatian javën e parë. Ndërkohë nga krahu tjetër Luigi Di Biagio tenton fitoren e parë në kampionat me Dinamon.
Lexo gjithashtu
