Jasir Asani është lojtari i ftuar në këto kualifikuese të Kombëtares për ndeshjen me Poloninë. Anësori i njohur po shkëlqen në Korenë e Jugut me Gëangju, teksa sot arriti të realizonte plot 3 gola. Ai po kalon një formë të shkëlqyer dhe këtë e tregoi edhe në sfidën e sotme.
Një lojtar që me siguri do të lërë gjurmë edhe në kombëtaren shqiptare. Megjithatë diçka përbën problem për Asanin. Ka të bëjë me regjimin e futbollistit, i cili do të vijë në Shqipëri dhe për një javë do t’i duhet të përshtatet me orarin e vendit tonë.
Siç dihet, Korea e Jugut është plot 8 orë para Shqipërisë. Nëse një ndeshje në vendin tonë është planifikuar të luhet në orën 20:00, praktikisht Asani rezulton të jetë në gjumë. A do t’ia dalë që për 7 ditë mëngjërashi të përshtatet dhe të jetë në “top formë” për të dhënë kontributin e tij me kuqezinjtë? Këtë do ta shohim në ndeshjen e datës 27 mars!
Lexo gjithashtu
