UEFA ka bërë bilancet e vitit 2022, teksa në një letër për festat e fundivitit, numri një i këtij insitucioni, Alexander Ceferin nuk ka lënë pa përmendur edhe Superligën, ku siç duket nuk i ndahet “shpirti” ndërsa thekson se mbrojnë fortë vlerat e futbollit.
“2022 ishte një tjetër vit plot ngjarje për UEFA-n. Së bashku me komunitetin evropian të futbollit, ne kemi punuar pa u lodhur për të mbrojtur dhe promovuar vlerat themelore të modelit sportiv që mbështet lojën më të bukur në botë.
Ndër këto vlera janë, mbi të gjitha, garat e hapura të bazuara në merita sportive, solidariteti financiar midis atyre në krye dhe atyre në fund të strukturës piramidale të futbollit dhe njohja e rolit gjithnjë e më të madh që ka ky sport në shoqëri. Asnjë turne evropian nuk i ka përcjellë këto vlera më shumë se Euro 2022 e UEFA-s për femra, një festival i gjallë familjar që theu rekord pas rekord.
Turneu tregoi gjithashtu aftësinë e madhe të sportit tonë për të katalizuar ndryshime pozitive sociale: 48% e mbajtësve të biletave ishin femra, me 30% nën moshën 30 vjeç.
Sigurisht, asnjë nga këto arritje nuk do të ishte e mundur pa klubin dhe garat ndërkombëtare që frymëzojnë misionin tonë për të shërbyer si një lidhje e rëndësishme midis futbollit profesionist dhe atij bazë. Së bashku, ata demonstrojnë rëndësinë e garave të hapura, ku kualifikimi bazohet në meritat sportive dhe të gjithë, pavarësisht moshës apo aftësisë, mund të ëndërrojnë të luajnë në nivelin më të lartë.
Në përfundim, dëshiroj të shpreh falënderimet e mia personale për të gjithë ata që i janë bashkuar UEFA-s për të mbrojtur modelin sportiv evropian. Mbështetja juaj do të na frymëzojë në vitin 2023 teksa ne dyfishojmë përpjekjet tona për të siguruar një të ardhme të shëndetshme dhe të qëndrueshme për futbollin evropian”, mbyllet kështu letra e Ceferin.
Lexo gjithashtu
