
Arsid Kruja ishte një nga lojtarët që mungonin sot në listën e publikuar nga klubi i Vllaznisë për fazën përgatitore në Ulqin. Sulmuesi 24-vjeçar me sa duket nuk është në planet e stafit teknik për pjesën e mbetur te sezonit.
Newsport.al u mundua të kontaktonte futbollistin, por ai nuk preferoi të përgjigjej duke parë situatën në të cilën ndodhet. Megjithatë newsport u interesua sërish dhe burime pranë lojtarit zbuluan se çfarë ka ndodhur me Arsid Krujën.
Sulmuesi shkodran nuk është kontaktuar fare nga drejtuesit. Madje ai ka mbetur sot i habitur kur ka mësuar se nuk është përfshirë në listën për fazën përgatitore në Ulqin. Për newsport.al bëhet e ditur që 24-vjeçari ka kërkuar arsyen se pse nuk është përfshirë në listën e futbollistëve për fazën përgatitore, por nuk ka marrë një përgjigje nga asnjë prej drejtuesve apo stafit teknik.
[gallery columns="1" size="full" ids="189406"]