Napoli ka marrë një lajm të mirë para sfidës së parë në Champions, ku do të sfidojnë Bragan. Amir Rrahmani ka “shkelmuar” dëmtimin që mori javët e fundit dhe tashmë do të jetë një “armë” plus për Rudi Garcian.
Lajmin e ka bërë të ditur “Corriere dello Sport”. Mbrojtësi tashmë ka nisur stërvitjen me pjesën tjetër të grupit dhe është nën urdhrat e Garcias.
Kapiteni i përfaqësueses së Kosovës është një pikë kyçe në formacionin e kampionëve të Serie A dhe rikthimi i tij sigurisht ofron garanci dhe siguri në repartin e prapavijës. Kujtojmë se Napoli udhëton në transfertë për të sfiduar Bragan, me sfidën që do të luhet ditën e nesërme duke nisur që nga ora 21:00.
Poll
Lexo gjithashtu
