Dinamo nuk e ka nisur siç duhet këtë sezon në Superiore, me “Blutë” që në 5 ndeshje kanë arritur të fitojnë ndaj Kukësit dhe kanë humbur 4 duele të tjera. Trajneri Luigi Di Bigio në këto javë nuk e ka pasur skuadrën e plotë, pasi kanë munguar disa lojtarë kyç të ekipit.
Por tashmë duket se ka një lajm të mirë për italianin. Rustem Hoxha i cili mundon prej disa javësh më në fund do të jetë gati për duelin e radhës në kampionat. “Nëndetësja” do të luajë në transfertë ndaj Laçit ditën e enjte, sfidë e vlefshme për javën e 6-të të Superiores.
Kapiteni ka nisur tashmë stërvitjen me pjesën tjetër të skuadrës, duke lënë prapa krahëve dëmtimin e marrë në transfertën e Korçës. Në Laç Hoxha do të marrë vendin e tij në mbrojtje, ndërsa do të rreshtohet përkrah Behiratches.
Lexo gjithashtu
