Sulmuesi i Kombëtares, Sokol Cikalleshi ka pësuar një dëmtim ditët e fundit. Bëhet me dije se Cikalleshi është dëmtuar në ndeshjen e fundit që luajti në kampionatin turk.
Në deklaratën e bërë nga vetë klubi i Konyaspor, si rezultati i ekzaminimeve të sulmuesit nga Kavaja, i cili u dëmtua në ndeshjen përballë Rizespor dhe u largua në minutën e 66-të, u konstatua një dëmtim i shkallës së dytë, në kofshën e djathtë.
Sipas deklaratës së mjekut të klubit turk, mësohet se Cikjalleshi do të vazhdojë punën nën mbikqyrjen e nje fizioterapisti. Mësohet se procesi i rehabilitimit të sulmuesit kuqezi është planifikuar të jetë 2-3 javë.
Nuk dihet nëse do të jetë i gatshëm për ndeshjen që Shqipëria do të luajë përballë Çekisë më 12 tetor, teksa trajneri i Kombëtares bëhet me “dhimbje koke”.
Lexo gjithashtu
