Vllaznia u mposht ditën e djeshme nga Laçi, me kurbinasit që triumfuan në shtëpi me shifrat 2-1. Një humbje që “dhemb” për shkoadranët që përveç rezultatit, largohen të “sakatuar” nga Laçi.
Ndaj kurbinasve u dëmtuan dy titullarë, të cilët tashmë kanë alarmuar kuqeblutë. Fillimisht u dëmtua Esin Hakaj, i cili doli nga fusha në minutën e 62-të duke çaluar, pasi mori një dëmtim në këmbën e majtë.
Ndërkohë në minutën e 74-të la fushën e lojës edhe Esat Mala. Menjëherë stafi mjekësor u kujdes për të dhe ditën e sotme lojtarët do t’u nënshtrohet vizitave mjekësore për të mësuar edhe shkallën e dëmtimit.
Kjo mban në “ankth” kuqeblutë, me lojtarët që rrezikojnë të humbasin duelin e ditë së shtunë me Teutën që do të luhet në “Loro Boriçi”. Kjo përballje është e vlefshme për javën e 5-të të Superiores dhe do të startojë në orën 20:15.
Lexo gjithashtu
