Trajneri i Partizanit, Colella foli në konferencën për shtyp në prag të ndeshjes me Erzenin ditën e nesërme në orën 19:00 në Kompleksin Partizani për javën e 22-të të Abissnet Superiore.
Fitorja ndaj Bylis -
: Ishte një fitore morali pasi kishim disa ndeshje që nuk fitonim.
Sigurisht që duhet të përmirësojmë disa gjëra akoma, por na duhet kohë pasi skuadra ka ndryshuar. Është mirë që arritëm të merrnim 3 pikët, pasi kur nuk i marrim diskutojmë pse nuk i merrni dhe kur i marrim 3 pikët diskutojmë të tjera gjëra, pra mbetemi tek 3 pikët.
Partizani 2023 më i dobët se skuadra e 2022 -
: Askush nuk ka thënë se skuadra është më e dobët, unë asnjëherë nuk e kam menduar. Kjo është një gjë që e keni thënë ju mediat dhe unë absolutisht nuk jam dakort.
Unë jam shprehur vetëm që skuadra ka ndryshuar dhe na duhet pak kohë.
Edhe lojtarët që kanë ardhur nuk janë ambientuar ende me mekanizmat tona. Dikush që ka ardhur nuk ka ardhur në kondicionin e duhur fizik prandaj na duhet edhe pak durim.
Ky është një problem të cilin e shikoj tek të gjithë duke parë edhe lojtarët e tjerë që janë afruar në skuadrat e kampionatit në janar, po e vuajnë.
Cilit nga lojtarët e mbërritur në janar do ti duhet më shumë kohë -
: Të gjithë lojtarët janë pak a shumë në të njëjtat kushte. Kohë do të thotë që ata të luajnë, dhe ti mësojmë të bëjnë gjëra që nuk janë mësuar të bëjnë.
Alternativat në sulm -
: Mund të them se tani kemi më shumë alternativa në sulm, ndaj me të drejt mund ti shfrytëzojmë këto alternativa që kemi.
Mungesat -
: I padisponueshëm do të jetë vetëm Sota.
Ndaj Erzenit akoma nuk keni arritur fitore -
: Sigurisht Erzeni është një skuadër e mirë sepse kanë 3 pikë më pak se ne dhe nuk ka diferenca të mëdha mes tyre dhe nesh. Ndeshja e fundit ndaj tyre ishte disi e paparashikueshme. Sigurisht do të kërkojmë të arrijmë fitoren e parë ndaj tyre. Erzenin e konsideroj si të gjithë kundërshtarët e tjerë në kampionat. Jemi të gjithë aty afër dhe me të gjithë i kemi përballje direkte.
Alternativat në mbrojtje -
: Alternativat në repartin e mbrojtjes janë, por për fat të keq kanë probleme. Ka edhe alternativa të cilat janë vetë eleminuar, por jo për faj të trajnerit.
Lexo gjithashtu
