Të gjitha skuadrat e Superiores dhe disa nga Kategoria e Parë do të zbresin ditën e sotme në fushën e lojës për të bërë mes tyre llogaritë e fazës së 1/8-ave të Kupës së Shqipërisë. Duele dhe sfida mjaft interesante janë në program, të cilat marrin vëmendjen e tifozëve, teksa janë takime me eleminim direkt.
6 takime do të startojnë në orën 13:00, ndërsa 2 të tjera duke nisur që nga ora 17:00. 6 ekipe vijnë nga Kategoria e Parë dhe 10 të tjera nga Superiorja.
Kryesuesit e “Abissnet Superiore”, Egnatia do të përballen me Lushnjen. Ndërsa Partizani në fazën e 1/8-ave do të përballet me Apoloninë.
Tirana në këtë fazë ka si kundërshtarë Korabin, ndërsa një takim i fortë është ai mes dy skuadrave të “Abissnet Superiore”, Laçi – Dinamo. Në të njëjtën orë do të luhen edhe dy sfida të tjera që premtojnë spektakël, Kukësi – Elbasani dhe Erzeni – Bylisi.
Dy ndeshjet e tjera të Kupës së Shqipërisë do të startojnë në orën 17:00. Vllaznia do të përballet me Flamurtarin dhe në orën 17:00 do të luhet edhe një tjetër takim shumë i fortë mes dy skuadrave të “Abissnet Superiore”, Teuta – Skënderbeu.
[caption id="attachment_720592" align="alignnone" width="693"]
Ndeshjet e Kupes se Shqiperise 1[/caption]
Lexo gjithashtu
