Partizani ndodhen në vendin e dytë të tabelës së klasifikimit me 54 pikë, 5 më pak se rivali i tyre i përjetshëm, Tirana. Demat do të luftojnë deri në fund për të fituar titullin kampion të Abissnet Superiore edhe pse rruga nuk është aspak e lehtë.
Të kuqtë në 3 javët e ardhme do të luajnë 3 ndeshjet më vendimtare të këtij sezonit. Fillimisht presin Kukësin për llogaritë e javës së 32-të dhe një fitore ndaj verilindorëve do t’i çonte në derbin e kryeqytetit me moralin e lartë. Pikërisht Tirana do të jetë edhe pengesa e vërtetë e të kuqve në “Air Albania” që do të synojnë t’iu marrin një tjetër 3 pikësh për ta ndezur “flakë” të kuqe kryeqytetin.
Ndërkohë te Partizani shpresojnë se diferenca me Tiranën të jetë vetëm 2 pikë para përballjes në derbi dhe një fitore përballë bardhebluve do t’u jepte vendin e parë, teksa të kuqtë do të bëjnë “tifo” për fitoren e Teutës në fundjavë.
Megjithatë pas derbit, Partizani do të presë në “Arenën e Demave” Vllazninë. Një tjetër kundërshtarë të fortë, me këtë të fundit që synon pikët për vendin e 3-të. Nëse djemtë e Colellës arrijnë të marrin pikët maksimale në 3 duelet e radhës, atëherë titulli do të jetë në dorën e tyre. Te demat kanë nisur “sprinti” final dhe gjithçka duhet të bëhet siç duhet që ndaj Kukësit të dielën n5 orën 18:00, përndryshe “anija” e italianit përmbytet.
Lexo gjithashtu
