Ende s’është vendosur se kur do të rifillojë Superiorja, ndërsa gjasat janë që në fund të muajit maj ekipet të zbresin në fushë. Të gjitha skenaret na çojnë te futbolli i luajtur në qershor, ndërsa te Kukësi ka një problem të madh. Vasil Shkurtaj ka mbetur në Spanjë, konkretisht në Barcelonë dhe nuk dihet se kur do të kthehet. Pandemia e Coronavirusit e ka paralizuar totalisht Gadishullin Iberik për shkak të numrit të madh të viktimave të dhe të infektuarve.
Ndërkohë në klubin verilindor po ndjekin me interes situatën në vendin tonë sepse ende s’ka një dritë jeshile nga kryeministri Rama për të riatdhesuar shqiptarët në Spanjë. Kësisoj, nëse kampionati do të vendoset të fillojë në fund të majit, me gjasë ekipet do të zbresin në fushë në mes të muajit të ardhshëm për t’u stërvitur.
Ndërsa Shkurtaj s’është kthyer ende. Veç kësaj, në momentin që qeveria do të “ndeze dritën jeshile” për të atdhesuar shqiptarët e Spanjës, shtatlarti është i detyruar t’i nënshtrohet karantinës së detyruar 2-javore. Praktikisht, Kukësi do të vuajë për sulmues dhe Shkurtaj do ta ketë mjaft të vështirë të kapë ritmin me ekipin.
Lexo gjithashtu
