Kukësi-Partizani është një nga duelet më interesante dhe të luftuara të javës së 23-të të Abissnet Superiore. Ky takim do të luhet ditën e nesërme duke nisur që nga ora 13:00 në “Kukës Arena”.
Një përballje që luhet për objektiva të ndryshme. Demat synojnë pikët për titullin kampion, ndërsa si asnjëherë më parë verilindorët synojnë mbijetesën.
Djemtë e Rrahman Hallaçit kërkojnë “kokën” e demave, por në favorin e kryeqytetasve flet tradita e përballjeve mes dy ekipeve. Të kuqtë janë “macja e zezë” e kuksianëve.
Në 10 përballjet e fundit mes dy ekipeve, Partizani ia ka dalë të sigurojë 8 fitore, 1 barazim dhe 1 humbje. Kukësi dukshëm inferior ndaj ekipit kryeqytetas.
Fitorja më e thellë e dy sezoneve të fundit është 5-0 të siguruar nga djemtë e Giovanni Colellës, të cilët edhe në këtë takim synojnë fitoren për të thelluar edhe diferencat mes tye.
Lexo gjithashtu
