Kualifikueset e Euro 2025 për U-21, Alban Bushi publikon listën e të grumbulluarve
Shkruar nga NEWSPORT
Kombëtarja shqiptare U-21 do të luajë gjatë këtij muaji dy ndeshje majft të rëndësishme, të cilat janë të vlefshme për kualifikueset e Euro 2025 për këtë grupmoshë.
Shpresat e drejtuara nga Alban Bushi do të duelojnë më 22 mars me Finlandën në orën 17:00 dhe 4 ditë më vonë me Zvicrën po në orën 17:00. Të dyja përballjet do të luhen në “Air Albania” dhe kjo do të jetë një plus për futbollistët për të kërkuar fitoren.
Për këtë dy sifda, Bushi ka bërë publike edhe listën e grumbullkuarve. Plot 23 lojtarë do të jenë nën urdhrat e tij. Aktualisht U-21 mban vendin e 3-të në renditje dhe janë në garë për t’u kualifikuar në Euro 2025 për këtë grupmoshë dhe këto dy sfida marrin një rëndësi të madhe.