Gilman Lika, ish kapiteni i Vllaznisë dhe trajneri i ekipit të moshave U-17, ka folur mbi situatën aktuale të kuqbluve. Lika i ftuar në emisionin sportiv “Star Sport”, nxori në pah anët pozitive të Vllaznisë, pas barazimit ndaj kurbinasve.
Prononcimi i Gilman Likës:
“Një barazim kundër Laçit në transfertë nuk mund të konsiderohet aspak një rezultat negativ. Skuadra edhe mund ta fitonte ndeshjen, pas barazimit ku reagoi shumë shpejt me Markun. Kishte edhe dy mundësi që mund të shfrytëzoheshin më mirë. Por pashë shkëndija pozitive nga ekipi, sikur kishte një ritëm më ndryshe nga javët e shkuara.
Ndeshjet e radhës? Do jenë Bylis dhe Erzeni në Shkodër. Nuk mund të nënvlerësohet askush sepse skuadrat nuk kanë diferenca, por Vllaznia duhet me patjetër t’i fitojë këto dy ndeshje. Qoftë edhe me një lojë jo të mirë, pasi në këto momente ekipi ka nevojë për pikë që mund të japin shumë moral në të ardhmen”.
Lexo gjithashtu
