Që do të mungonin në ndeshjen e sotme ajo ishte e sigurtë për shkak se kanë thënë edhe më ehrët që do të bojkotojnë ndeshjet brenda Shqipërisë.
Ditën e sotme, “Tifozat Kuq e Zi” kanë konfirmuar bojkotin në ndeshjen e sotme ndaj Lihtenshtejnit në “Elbasan Arena”. Nëpërmjet një postimi në “Facebook”, ata deklarojnë se protesta do të vazhdojë deri në trajtimin dhe marrjen e masave nga policia e shtetit.
"Sot luan Kombëtarja, e kur luan Kombëtarja nuk është ditë e zakonshme. Secili prej nesh, ndjenë shumë dhembshuri dhe keqardhje që ekipit (që për ne është më shumë sesa ekip futbolli) nuk do i jemi pranë si rëndom. Pavarësisht se nuk do të jemi fizikisht aty, me sy, shpirt e mendje jemi në Elbasan.
Vajtja në stadium dhe përkrahja e Kombëtares për ne është vet jeta, dhe heqja dorë nuk është aspak e lehtë asnjëherë dhe në asnjë rrethanë, por jemi më të vendosur se kurrë që protesta jonë e bojkotit të ndeshjeve që luhen nëpër stadiumet shqiptare të vazhdoj deri në trajtimin dhe marrjen e masave nga policia e shtetit.
Djemëve në fushë ju urojmë shumë sukses në ndeshjen e sotme ndaj Lihtenshtajnit. Mos harroni, Tifozat Kuq e Zi kthehen pas tre ditësh më të fortë e më të zëshëm sesa kurrë, na gjeni në shkallët e stadiumit të Strumicë", shkruhet në faqen e TKZ.
Lexo gjithashtu
