Kanë ngelur vetëm 90 minutat e fundit të kampioantit dhe po kaq për t’u luajtur edhe në finalen e Kupës së Shqipërisë. Duke bërë bilancin e këtij sezoni, konstaton se janë plot gjashtë futbollistë të cilët kanë humbur mundësinë për të kontribuar maksimalisht përgjatë vitit me skuadrat e tyre për shkak të dëmtimeve të rënda.
Sabien Lilaj ka vuajtur një dëmtim në rrëzat e kofshës dhe pavarësisht mjekimeve të shumta nuk ka mundur të rekuperohet plotësisht duke mos kontribuar sa duhet për skuadrën e Skënderbeut.
Gentjan Muça ka vuajtur një dëmtim në shpinë dhe këtë sezon nuk ka luajtur për më tepër se 5 muaj. Tirana e ka ndjerë mungesën e tij.
Xhevair Sukaj u rikthye nga Malajzia pas një dëmtimi të rëndë dhe iu deshën mbi tre muaj për të rigjetur formën. Partizani nuk e mori sa duhet kontributin e tij.
Antonio Marku pësoi një dëmtim të rëndë në gju dhe u detyrua të mbyllte disa muaj para kohe sezonin me Vllazninë.
Polizoi Arbri mbylli pa nisur mirë sezonin në Kukës për shkak të një dëmtimi të rëndë në gju.
Argjend Malaj ka vuajtur disa dëmtime gjatë sezonit dhe pas transferimit në Korçë nga Tirana nuk mundi të lërë mjaftueshëm gjurmë te Skënderbeu.
Lexo gjithashtu
