Komiteti Ekzekutiv i Federatës së Futbollit të Kosovës ka mbajtur mbledhjen e radhës, e cila u drejtuar nga nënkryetari Agim Ademi, pasi kryetari Fadil Vokrri ndodhet në Rio me skuadrën Olimpike të Kosvës. FFK bën me dije që janë miratuar projektet që do të mbështeten nga UEFA, ndër to edhe ndërtimi një kompleksi sportiv.
“KE sot shqyrtoi dhe miratoi edhe Projektet që do të përkrahen nga UEFA për kompleksin sportiv të FFK-së si dhe ndihmën për të gjitha klubet e futbollit. Po ashtu KE shqyrtoi dhe miratoi edhe raportin e punës të Qendrës Edukative të Trajnerëve, ku 76 trajnerë kanë marrë Licencën për trajnerë fillestarë dhe “B” si dhe raportin e Komisionit të Gjyqtarëve për normat fizike të mbajtura fundjavën e kaluar. Nga 202 gjyqtarë 165 iu nënshtruan normave fizike e ku të suksesshme ishin 145 dhe 20 gjyqtarë nuk arritën të kalojnë normat, të cilët do të riprovohen më vonë”, thuhet në njoftimin e FFK-së.
Lexo gjithashtu
