Skënderbeu ka vazhduar traditën si çdo herë, para çdo takimi në Europa League që luhet në shtëpi. Një ditë para ndeshjes me Dinamon e Kievit, drejtuesit e klubit korçar kanë respektuar delegatët e shkuadrës mike duke i'u shtruar një darkë zyrtare, kjo për të respektuar kundërshtarin.
Në fotot e postuara në kanalin zyrtar të klubit në Facebook, shihet Menaxheri i përgjithshëm Gerhard Takaj dhe drejtori i përgjithshëm i Dinamos së Kievit, të cilët kanë shkëmbyer dhe dhuratat respektive.
Kujtojmë që këtë traditë, Skënderbeu e ka ndjekur edhe në takimet e tjera që janë luajtur në Shqipëri, ku një ditë para takimi është shtruar një darkë zyrtare, ku të pranishëm kanë qenë delegatët e klubeve miq dhe drejtuesit e klubit korçar.
Kujtojmë, që sot, në orën 21:05, në "Elbasan Arena", Skënderbeu pret Dinamon e Kievit për të luajtur takimin e pesë dhe të fundit në shtëpi, e vlefshme për Europa League.
[gallery columns="1" size="full" ids="173248,173249"]
Lexo gjithashtu
