FSHF njoftoi ditën e sotme axhendën për finalen e madhe të Kategorisë së Dytë ku Vora dhe Elbasani, si fitues të grupeve respektive A dhe B do të përballen për të nxjerrë skuadrën kampione. Kjo finale e madhe do të luhet më 11 maj, në orën 18:00 në stadiumin “Air Albania”.
Mirëpo, vetëm 4 ditë më pas, do të luhet edhe një tjetër “finale”, derbi Tirana – Partizani që pritet të jetë vendimtar për titullin e Superiores.
Natyrisht, të dy klubet rivale mund të ngrejnë shqetësimet e tyre për gjendjen e fushës e cila mund të pësojë dëme që mund të ndikojnë në lojën e të dy ekipeve. Si Tirana edhe Partizani e kanë shumë të rëndësishme gjendjen e terrenit për shkak të mënyrës sesi luajnë.
Një sfidë e fortë si Vora – Elbasani ku ekipet do të japin gjithçka dhe madje mund të shkojë deri në 120 minuta mund të jetë kërcënim serioz për barin e fushës përpara derbit.
Lexo gjithashtu
