Pas fitores 3-0 mjaft të merituar që Ballkani mori kundër ekipit të Larne, përsa i përket ndeshjes dhe performancës ka folur vetë tekniku i Kampionëve të Kosovës, Ilir Daja:
“Larne është ekip që ka karakteristika të veçanta. Ne nuk duhet të binim në një nivel që ata të posedonin topin. Kemi pasur një ritëm të mirë deri në minutën e 80-të. Mos të harrojmë që sapo jemi kthyer nga Bullgaria dhe kemi pasur vetëm 4 ditë kohë. Ndeshje të tilla të ngjeshura do të kenë efektin e tyre.
Lojtarë të rinj kemi marrë por nuk ishte ndeshje për t’i prezantuar. Kryeziu bëri një ndeshje mjaft të mirë. Kemi lufutar të gjithë mirë si grup. Kemi bërë një hap të mirë në këtë ndeshje të parë. Por në këtë sistem janë 180 minuta. Nuk duhet ta nënvlerësojmë pasi kundërshtarët do ndryshojnë stilin në Irlandë. Duhet të shohim për vazhdimësinë.
Gjithmonë ka më mirë, por 3-0 është mirë pasi kishim përballë një ekip që zakonisht pëson pak pasi lufton fort dhe mirë në fazën e mbrojtjes. Na kënaq fakti që bëmë 3 gola por duhet te tregoheshim më cinik pasi kishim shanse për të thelluar rezultatin", është shprehur tekniku Daja.
Lexo gjithashtu
