Brazili nuk pati një nisje, ashtu siç e kishte menduar përballë Marokut, ndeshje kjo e përfunduar në barazimin 1-1. Një pikë që mjafton për “Seleçaon”, pasi skuadra nuk dhuroi një paraqitje bindëse në fushën e lojës, çfarë solli edhe kritika pas përfundimit të sfidës.
Mirëpo, brazilianët kanë ende rrugë përpara dhe në takimin e ardhshëm që do ta luajnë përballë Haitit, një kundërshtar modest ky në grupin C, do tentojnë të marrin dhe pikët e plota për të hedhur pas krahëve atë se çfarë ndodhi në ndeshjen e parë.
Vetë Ancelotti është i bindur se për të fituar të 6-tin në histori, duhet të ndryshojë “formulën” dhe të shfaqet më bindëse në lojë. Megjithatë, krahas këtij qëllimi, 67-vjeçarit i shtohet edhe një “bast” për t’u bërë pjesë e një liste të ngushtë strategësh që kanë shkruar lavdinë, duke fituar Kupën e Botës, ashtu sikurse trofeun e Champions League.
Bëhet fjalë për Marcelo Lippin dhe Vicente Del Bosque, të cilët kanë fituar respektivisht të dyja trofetë; i pari me Juventusin dhe Italinë dhe i dyti me Real Madridin dhe Spanjën.
Një sfidë kjo për italianin, i cili duhet t’i bëjë mirë llogaritë nëse kërkon që përpos se të fitojë “zemrat” e brazilianëve, të hyjë edhe në këtë top 3-she të trajnerëve legjendarë.
Only two managers have won both the World Cup and the Champions League ????
— LiveScore (@livescore) June 13, 2026
Carlo Ancelotti is aiming to become the third with Brazil ???????????? pic.twitter.com/9SnoeXKyv3
Lexo gjithashtu
