Skuadra e Pogradecit ka marrë fitore “thriller” në transfertën delikate të Gjirokastrës ndaj Luftëtarit vendas. Të besuarit e Emiljano Çelës triumfuan 3 – 2, teksa nuk munguan kartonët e kuq. Serinë e golave e hapi Zani te Luftëtari.
Por reagimi i liqenorëve nuk mungoi. Madje që në pjesën e parë, Pogradeci përmbysi me finalizimet e Greca dhe Kazem. Pikërisht ky i fundit shënoi edhe të tretin për të tijtë. Rrjeta e Merkuri vlejti sa për statistikë te skuadra gjirokastrite.
Me karton të kuq u ndëshkuan Tuni për vendasit dhe Greca te miqtë. Një fitore që vlen shumë për Pogradecin, aty ku objektivi është i qartë, ngjitja në elitën e futbollit shqiptar.
Pas 17 javësh, Zguro me shokë grumbullojnë 32 pikë, 1 më pak se Laçi i vendit të 2-të. Seria pa humbje ka shkuar në 6 te Pogradeci, ekipi më në formë i Kategorisë së Parë.
Lexo gjithashtu
