Flamurtari mori humbjen e 2-të në 3 javët e fundit në kampionat. Kuqezinjtë u mposhtën nga Besa me shifrat 2-0 në shtëpi.
Pas kësja disfate ka folur Artim Pollozhani. Ky i fundit ka theksuar se:
“Çfarë komunikuar me tifozët? Ishte një kërkim falje për paraqitjen e fundit. Iu premtuam se do të japim shpirtin në fushë për t’u ngjitur në Superiore.
E uroj Besën për fitoren, nuk vodhën asgjë. E morën fitoren me meritë. Kemi presion, pasi Flamurtari tenton prej vitesh ngjitjen në Superiore. Kemi 2 ndeshje të rëndësishme me Erzenin dhe Vorën. Nëse i fitojmë të dyja atëherë jemi në Superiore.
Gjatë gjithë kampionatit Flamurtari ka luajtur me një skemë tjetër. Ne provuam diçka të re dhe me çunat ramë dakort ta bëjmë diçka të tillë. Nëse nuk do të funksiononte do të riktheheshim me skemën e vjetër. Trashi daljet nga poshtë i ka shumë të mira. Në një moment të mirë ne pësuam me kundërsulm. Ishte e papritur që pësuam direkt.
Në pjesën e dytë e ndryshuam vendosjen, duke kaluar te skema me 3 mbrojtësa. Bëmë një ndryshim, ku si sulmues të tretë vendosëm Gobia. Nuk dolëm dot tek filozofia e Flamurtarit për të shkuar drejt finalizimit. Gjithçka u bë e vështirë në pjesën e dytë. Na penalizoi pak goli dhe më pas ramë pak psikologjikisht.
Kujt ia faturon humbjen, taktikës apo atletikës? Është fundi i kampionatit dhe energjitë harxhohen. Nuk mund të them se çfarë situate është ekipi fizikisht. Është fundit, por unë mendoj se duhet të jemi më të vëmendshëm, pasi ana fizike është e konsumuar. E përgjithshmja është se sot duhet të bënim më mirë, duke filluar nga unë dhe më pas lojtarët.
Sistem apo njerëz? Nuk mund te them asgjë. Kam edhe 2 ndeshje drejt fundit dhe më pas do të kërkoj informacione për gjithçka për të parë se çfarë mund të bëjmë”, ka përfunduar timonieri i kuqezinjëve.
Lexo gjithashtu
