Kategoria e Parë do të ulë siparin e këtij sezoni ditën e mërkurë, ku dot të zhvillohen edhe ndeshjet e fundit. Titulli, Play-Off dhe dy ekipet bien në Kategorinë e Dytë janë çështje të mbylur, teksa në javën e fundit do të luftohet mes 4 ekipeve për të shmangur “Play-Out”.
Por jo vetëm për këtë, në javën e fundit të Kategorisë së Parë do të luftohet edhe për një tjetër trofe. Kështu të mërkurën do të vendoset se kush prej lojtarëve do të jetë golashënuesi i këtij sezoni.
Bedri Greca aktualisht kryeson me 17 gola, ndërsa pas tij me nga 1 gol me pak janë Itodo Peter Mandela i Luzit dhe Jasmin Raboshta. Të 3 lojtarët do të tentojnë që javën e fundit të shënojnë gola për të bërë të tyre trofeun e golashënuesit.
Kujtojmë se Elbasani përballet me Bylisin, ndërsa Luzi dhe Vora sfidojnë njëra-tjetrën. Kështu në këtë duel është një sfidë brenda sfidës mes Mandelas dhe Raboshtas.
Lexo gjithashtu
