Trajneri i Flamurtarit, Eqerem Memushi foli pas barazimit 2-2 me Elbasanin në shtëpi. Tekniku i vlonjatëve u shpreh i keqardhur për rastet e humbura, por i lumtur për ndeshjen e bukur që u zhvillua.
“Takimi i sotëm ishte ndeshje prestigji. Elbasani vinte me Superioren të siguruar, ishte i qetë. Ne kishim presionin e fitores pasi është ndeshja e 3-të në fushën tonë, luajmë bukur, kemi raste. Elbasanin e kapëm 4-5 herë me mënyrën e të luajturit nga ne. Kemi vuajtur shumë te rreziku final, te goli.
Falenderoj djemtë për atë që dhanë, gola, spektakël dhe shikuesit janë kënaqur. Merita është e të dy skuadrave për këtë ndeshje të bukur.
I kam porositur skuadrës gjithë javën që ne të bëjmë punën tonë, Fair Play që pamë dhe sot. Nuk na takon të dyja skuadrave që jemi, me peshë në futbollin shqiptar. Jam i kënaqur që ndeshja shkoi pa polemika.
Shanse me vendin e 8-të të Superiores? Në fund është një finale e tillë, nuk ka më kategori. është finale ku ndodh çdo gjë, shanset janë 50/50”, tha Memushi.
Lexo gjithashtu
