Flamurtari padiksutim është në nga ekipet pretendente për të fituar titullin e Kategorisë së Pare dhe për t’u rikthyer në Superiore. Vlonjatët prej 4 vitesh ndodhen në Kategorinë e Parë, teksa ky sezon duket i duhuri për të qenë pjesë e elitës në futbollin shqiptar.
Një skuadër me shumë histori dhe traditë dhe si e tillë drejtuesit në merkaton e verës ndërtuar ekipin me elementë cilësorë për të bërë të mundur edhe ngjitjen në Superiore. Lojtarë “big” dhe që e njohin mirë futbollin shqiptar janë tashmë pjesë e vlonjatëve.
Madje këto të fundit pa frikë mund t’i konsiderojmë si “Made in Tirana”, pasi drejtuesit kanë transferuar në Vlorë futbollistë që në të kaluarën kanë qenë protagonistë absolutë te ekipet e kryeqytetit, kryesisht te Partizani.
Duke nisur nga trajneri Andrea Agostinelli që është një ish i kuq e për të vazhduar me futbollistët, Idriz Batha, Lorenc Trashi, Valentino Murataj apo Herald Marku. Të 4 lojtarët kanë dhënë kontributin e tyre te “Demat” dhe në këtë sezon kanë “pasuruar” organikën e kuqezinjve.
Pa mëdyshje ky Flamurtar është bërë vërtet i “frikshëm”. Përforcime nga mbrojtja në sulm i kanë bërë vlonjatët me një informacion mjaft kualitativ, ndërsa cilësitë nuk mungojnë as në stol dhe kjo do t’i japë mundësi zhgjedhjes Agostinellit.
Lexo gjithashtu
