Te Kukësi ka një eksod largimesh në këtë merkato. Një “valë” e madhe ka përfshirë verilindorët, të cilët çdo ditë e më shumë po zbrasen, duke bërë që skuadra të jetë në një “krizë”.
Pas Plarent Fejzajt që zyrtarizoi largimin ditën e djeshme, sot “Newsport” ka mësuar ekskluzivisht se të tjerë lojtarë kanë ndarë rrugët me Kukësin. Argel Avdiu është i radhës, i cili ka mbyllur aventurën e tij me verilindorët në këtë merkato.
Ndërkohë të njëjtën rrugë do të kenë edhe Okseold Sefa, Oniks Grezda dhe Redon Dragoshi. Të 3 futbollistët pritet të ndajnë rrugët me drejtuesit.
Siç shihet një “boshatisje” e ekipit, duke nisur nga ish-i i Tiranës që është Sefa e deri te Dragoshi që ka mbajtur veshur fanellën e Vllaznisë, teksa te Kukësi ka mbajtur edhe shiritin e kapitenit.
Vlen të theksohet se Kukësi ndodhet vërtetë në një krizë, pasi pas 17 javësh kampionat ndodhen të fundit në tabelën e klasifikimit në Kategorinë e Parë. Kanë arritur të grumbullojnë vetëm 9 pikë dhe që duken me një “këmbë” në Kategorinë e Dytë.
Lexo gjithashtu
