Kategoria e Parë
Nuk ka fitues në sfidat e sotme të Kategorisë së Parë. Lushnja shpërdoroi një avantazh prej 2 golash në pjesën e parë duke u barazuar nga Tomori i cili rrëmben 1 pikë me vlerë. Leroux dhe Canka bënë të dukej se do të ishte një fitore e thjeshtë duke shënuar 2 gola për 12 minuta, por Gjoni dhe Luta do të heshtin stadiumin Roza Haxhiu me 2 golat e tyre.
Në superduelin tjetër në Fier, Apolonia dhe Flamurtari ndanë gjithashtu nga 1 pikë. Vlonjatët kaluan të parët në avantazh me Ramadanin në minutën e 11-të, por 8 minuta më vonë do të ishte portieri Romeo Harizaj që do të kthente në gol një penallti të fituar. Me fillimin e pjesës së dytë, u vështirësua situata për vendasit që mbetën me 10 lojtarë pas largimit me të kuq të Yasin. Deri në fund rezultati nuk ndryshoi duke u mbyllur në barazim.
*Ndeshja Kastrioti - Bylis u shtye për shkak të motit të rënduar.
Rezultatet dhe golashënuesit:
Apolonia 1-1 Flamurtari (Harizaj 19'/ Ramadani 11')
Apolonia: Harizaj, Topi, Asllanaj, Yasin, Shanaj, Hebeja, Repaj, Ndubuisi, Diambomba, Maksuti, Umeijego. Trajner: Artan Mërgjyshi
Flamurtari: Teqja, Hasa, Pjeshka, Beqja, Ramadani, Sidibe, Beji, Vucaj, Leshi, Oliveira, La Torre. Trajner: Dritan Resuli
Lushnja 2-2 Tomori (Leroux 10', Canka 12' / Luta 35', Lila 65')
Lushnja: Haremi, Kasmollari, Ruco, Andoni, Preknicaj, Canka, Sulovari, Kananaj, Magani, Leroux, Dragoj. Trajner: Gugash Magani
Tomori: Memlika, Vrapi, Pereira, Deliu, Kola, Hyseni, Hajderaj, Ndrejaj, Luta, Caco, Obando. Trajner: Febron Ziu
Lexo gjithashtu
