Egnatia dhe Laçi do të pëballen mes tyre në çerekfinalen e Kupës së Shqipërisë, takim që do të luhet ditën e nesërme në orën 13:00 në “Egnatia Arena”.
Egnatia vjen pas fitores fantastike me Bylisin 3-2 në kampionat dhe ndaj Laçit kërkon të vazhdojë eme ecurinë pozitive. E kundërta ndodh me kurbinasit të cilët barazuan më Erzenin javën e kaluar.
Përveç formës së mirë që rrogozhinasit po kalojnë në kampionët, skuadra e Edlir Tetovës ka “kafshëtën” e preferuar bardhezinjtë. Në 3 përballjet e këtij sezoni mes tyre, Egnatia ka arritur të dalë me pikë të plota.
Rrogozhinasit janë më të motivuar se kurrë që këtë edicion të Kupës së Shqipërisë për të arritur deri në fund. Kualifikimi në gjysmëfinale kërkohet me ngul dhe nëse diçka e tillë arrihet atëherë do të ishte historike për ta. Asnjëherë në të kaluarën Egnatia nuk ia ka dalë të kualifikohet në një gjysmëfinale.
Lajm i mirë për Edlir Tetovën, pasi nuk do të ketë asnjë mungesë për këtë duel, teksa ka të plotë grupin e lojtarëve.
Lexo gjithashtu
