Julian Alvarez ëhstë një nga sulmuesit e kërkuar nga disa skuadra. Në merkato ka “El Clasico” për shërbimet e tij, pasi Real Madrid dhe Barcelona e kanë në plane. Argjentinasi po shkëlqen me Manchester Cityn dhe për këtë ka zgjuar interesin e dy gjigandëve spanjollë.
Pavarësisht interesimit që kanë madrilenët dhe katalanasit për të, duket se Alvarez është i qartë për të ardhmen e tij. Argjentinasi nuk ka ndërmend të lëvizë nga Manchesteri.
Në këtë sezon në 26 ndeshje i aka dalë të gjejë rrugën e rrjetës në 10 raste, teksa 9 herë ka sistuar për shokët e skuadrës. 23-vjeçari ka kontratë të vlefshme me kampionët e Premier League deri në qershor të vitit 2028.
“E vërteta është se jam shumë i lumtur në Manchester City. Unë kam qenë në klub për pak më shumë se një vit. Ndihem shumë i lumtur me gjithçka që kemi arritur. Tani qëllimi ynë është të konkurrojmë dhe të përpiqemi t’i fitojmë ata trofe sërish”, ka deklaruar Alvarez.
Lexo gjithashtu
