Xhuliano Skuka duket se i ka minutat e numëruara në Shqipëri, pasi për sulmuesin dibran vazhdon të ketë interesime nga skuadra të huaja, kryesisht në Itali. Tashmë siç dihet dy skuadrat që kanë treguar interes për sulmuesin e Partizanit janë Hellas Verona dhe Lecce.
Por tashmë garës i është shtuar një tjetër ekip italian që luan në Serie A. bëhet fjalë për klubin e shqiptarëve, Empolin ku luajnë edhe Nedim Bajrami dhe Ardian Ismajli. Sipas shtypit të shkruar bëhet e ditur se në derbin e 21 dhejtorit ku demat trumfuan me shifrat 1-0 me goli e Skukës në shkallët e stadiumit ka qenë i pranishëm edhe Paolo Zanetti, i cili ka parë nga afër paraqitjen e dibranit.
Në këtë mënyrë në ditët në vazhdim pritet të mbërrijë edhe oferta për shërbimet e Skukës, i cili pavarësisht dëshirës së drejtuesve për të udhëhequr Partizanin drejt titullit, duket se largimi i tij është shumë afër.
Lexo gjithashtu
