Laçi ka mposhtur Teutën në javën 3-të të Superiores. Në ndeshjen e zhvilluar në Kurbin, vendasit nuk u kurysen duke fituar me rezultatin e thellë 6-1.
Pas kësaj sfide, për mikrofonat e MCN TV, foli kapiteni i Laçit i cili në këtë ndeshje shënoi dopietë, Serxho Ujka.
“E rëndësishme është të fitojë skuadra, pastaj jam i gatshëm ta ndihmoj ekipin me asistime, gola apo dhe në mbrojtje. Lojtarët që kanë ngelur nga sezoni i kaluar janë 4 apo 5 lojtarë. Por duket që janë çuna të rinj që kanë dëshirë për të ecur përpara dhe të kapur objektiva”, tha kapiteni i Laçit.
-Në cilin pozicion ndihesh më mirë në fushë?
“Unë ndihem më mirë pas sulmuesit, pasi aty kam më shumë mundësi goditje. Kur një lojtar godet, duhet të luajë si numër 10. Me hapin tim kam më shumë mundësi të eci përpara me top, por tregohem altruist. Por është diçka që mund ta ndryshoi në vazhdim, duke rregulluar formën fizike dhe atë psikologjike.”
Lexo gjithashtu
