Java e 15-të do të luhet në fundjavë, teksa e gjitha do të kulmojë me derbin e kryeqytetit. Përballja mes Tiranës dhe Partizanit është sfida më e luftuar e kampionatit shqiptarë dhe tashmë emocionet e kësaj ndeshje kanë nisur të përjetohen.
Ditën e dielë duke nisur që nga ora 19:00 të gjithë tifozët do të mbajnë frymën, me spektaklin që do të kalijë në fushën e lojës te këmbët e lojtarëve. Demat vijnë si superiorë në këtë përballje, pasi pas 14 javësh kanë grumbulluar 28 pikë, ndërsa bardheblutë vetëm 21.
Fitorja në derbi vlen më shumë se 3 pikë dhe kush më mirë se dy ekipet kryeqytetase e di. Fitorja vlen për moralin e skuadrës dhe krenarinë e një qyteti të tërë. Partizani është ekipi që këtë sezon ka vetëm 1 humbje, teksa vijnë pas dy barazimeve radhazi.
Ndërkohë nga ana tjetër bardheblutë e Julian Ahmatajt nuk po kalojnë një moment të mirë në kampionat, teksa vijnë pas humbjes me Erzenin. Tirana është e detyruar vetëm për 3 pikët që do të “shëronin” shumë “plagë”.
Skuadrat kanë nisur përgatitjet për këtë supersfidë, me trajnerët që kanë nisur të mendojnë edhe formulën që do t’i çojë drejt triumfit.
Lexo gjithashtu
